|
Bertsoeskola
Senideei eta lagunei bidaltzeko mezua sortuko dugu, koplaz edo bertsoz. Bideoz grabatu eta Whatsappez bidal genezake; eskulanetan zorion postala egin genezake bestela. Edo ausartuko al gara etxekoei aurrez aurre abestera?
Denok dugu bizitzan, hurbil edo urrun, zaintzen gaituen jendea. Eskerrik asko esatea merezi dutenak. Maite dugun norbait hautatu eta bertsoa egingo diogu. Bertsoa sortzeko, atzekoz aurrerako teknikaz ariko gara. Horretarako, hemen ditugu aukeran azken puntuak eta oinak. Behin bertsoa eginda, nola helaraziko diogu maite dugun horri? Ausartuko al gara berari abestera?
Eskolako festa alaitzeko, kopla sorta bat prestatuko al dugu?Jar gaitezen binaka ala taldetxotan eta... ekin!
Hiru bertsolarik hitz ezkutua zein den asmatu behar dute. Horretarako puntu batean galderak egingo dituzte eta beste hiru bertsolariek erantzun egingo dute, pistak emanez. Hitz ezkutua hauxe da: Gure Zirkua.
Txapelketan parte hartzen ari den bertsolari bat animatu nahi al dugu? Onena opaz koplak botako dizkiogu. Gero bideoz edo audioz grabatuta bidaliko dizkiogu; ikasgelara gonbidatu genezake bestela...
Amets Arzallusek eta Ibrahima Baldek “Miñan” liburua idatzi dute. Ibrahimak Ginean izandako haurtzaroa eta Europara etortzeko egindako bidaia gogorra azaltzen du. Zer ote datorkio orain burura, “etxea” esanda?
Gure burua osasuntsu zaintzeko, hara hemen gomendio sorta! Iturria: Ikaselkar hezkuntza argitaletxea. Kimu Erronka, LHren lehen etaparako sortutako ikasmaterial globalizatua.
Goazen sukaldera... beroa eta materiaren aldaketekin esperimentatzera! Iturria: Ikaselkar hezkuntza argitaletxea. Kimu Erronka, LHren lehen etaparako sortutako ikasmaterial globalizatua.
Historiako aroei eskainitako kopla sorta. Iturria: Ikaselkar hezkuntza argitaletxea. Kimu Erronka, LHren lehen etaparako sortutako ikasmaterial globalizatua.
Koplan puntuari erantzungo diogu. Horretarako oina geuk ekarri beharko dugu.
Berrogeialdiaz etxean gauden lagun guztiei eskainitako sorta. Iñaki Gurrutxagak idatzi eta Maddalen Arzallusek abestua, nork bere etxetik, guretzat!
"Herri txiki, infernu handi" dio esaerak, baina herri txiki ederrez josia dugu Euskal Herria. Sebastian Lizaso plazaz plaza dabil urtetan eta berak ezagutzen du, inork baino hobeto, bakoitzaren berri!
Koplak jarriko ditugu, nork gure berri emanez. Laguntza gisa, hara hemen ereduzko koplak. Entzun ditzagun audioaz! Bizkarrezur hori gure mamiz beteko dugu gero: gure ezaugarriak aipatuz moldatuko ditugu koplak.
Bertsolariak zein den pertsonaia ezkutua asmatu beharko du, kantukideei galderak eginez. Algara ederrak egin zituen publikoak...
Astelehenetik igandera, zein den gure betiko leloa azalduko dugu, zirtoka.
Sei asmakizun ezberdin, pantailaz jolasteko. Bertsotan pistak emango zaizkigu, guk eskatu ahala, pausoka. Ea bertsoak amaitzerako igartzen dugun zer den!
Zirkuko pertsonaia bakoitzari kopla bat kantatuko diogu. Horretarako, lehen puntua eta oina emango zaigu. Karta jolasak ere baliatu genitzake!
Izan al gara inoiz Gure Zirkuan? Sartu-sartu barrura, espektakulua hastera doa-eta! Mendi Urruzuno argazkilariak eramango gaitu unez une, iruditan, eta Uxue Alberdik argazki bakoitzari kopla jarriko dio, gitarra lagun.
Hamaika bitxikeria gertatzen dira oporretan. Ikus ditzagun horietako batzuk, bertsolariak bat-batean entzunez!
Gaia: 4 urteko haurrak zarete. Eskola hasi baino ez da egin eta zorri izurritea dago gelan. Irakasleak gurasoak deitu ditu bilerara. Bilera gelatik ohiuak entzuten dira, eta zuek bitartean pasiloan zaudete, buruan hazka eta hazka.
Oinarrizko kontzeptuak: Zer da puntua? Zer da hankaluzea eta zer hankamotza?
Kopla ezagun hauetan, ea bereizten ditugun zein den puntua, zein oina eta zein errima.
Zaska! Erantzun lotsagabeak sortzen segituko dugu. Puntuari erantzungo diogu, kopletan, oina emanda.
Gustatzen zaizun pertsona hori, juxtu, zure lagun minarekin hasten denean. "Lurraren pean sar nindaiteke"...
A-tik Z-ra, galderak botako dizkigu pantailak, munduko zein herrialde den asma dezagun. Ea 5 minutu pasa baino lehen erantzuten ditugun guztiak!
Geure buruaz ari garela… denok gara ezberdinak eta bakarrak. Bakoitzak gure gorputza daukagu, gure hizketa modua, gure ibilera… Izateko gure modu berezia eta bakarra. Hortaz… zergatik egin barre besteen berezitasunei? Zergatik lotsatu ezberdin egiten gaituenaz?
Hara ze iragarki polita osatu duten Hernanin (Gipuzkoan), Gabonetan ere erosketak herriko dendetan egin ditzagun sustatzeko.
Gizakiak milaka urtean zenbat tresna asmatu dituen! Gailu horietako batzuen asmatzaileak nor izan ziren ikasiko dugu! Iturria: Ikaselkar hezkuntza argitaletxea. Kimu Erronka, LHren lehen etaparako sortutako ikasmaterial globalizatua.
Denbora librea urrea da. Denbora libre dugunean, nahi dugun huraxe egiteko, zertan gozatzen dugu? Peruk umetan ostiral arratsaldeak zituen libre-libre. Asteko unerik onena, ostiral arratsaldea!
Oierrek gaur du eskolako lehen eguna. Elkarri eskutik helduta doaz bidean.
Matematikari emakumeen aurkikuntzen berri azaltzen duen sorta.
Udako oporrak bukatu eta berriz ere eskolara... Gustura al gaude ikasturte berriaz? Eskolako ohiko egoerek emango digute hamaika gai kantu eta kontuetarako!
Gurutzegrama honetan Euskal Herrian oso ezagun izan diren hamar bertsolariren izenak daude ezkutatuta. Gogora ezazu garai bateko bertsolariak goitizenez edo ezizenez zirela ezagunak. Ea asmatzen dituzun zeintzuk diren!
Hitz bat emango zaigu eta ea azkar sakatzen dugun berekin errimatzen duen hitza. Adi, tiroak huts egin gabe!
Hitz egin dezagun nork gure buruaz: gure zaletasun, bertute eta ajeez! Koplatan, galdera-erantzunetan ariko gara. Jarritako puntuari erantzungo diogu, kolpe bakarrean.
Puntua zer den ulertzeko, zer hoberik puntukako saioak ikusi eta puntu erantzunekin gozatzea baino!
Lehenik zer roletan ari nahi dugun erabakiko dugu: bertsolari ala gai-jartzaile. Bertsolariek binaka jarrita kopla sortuko dute; horretarako bi oinak emango zaizkie. Gai-jartzaileek, berriz, bertsolarientzat aldiro gaia asmatuko dute; noski, oin bikoteari ondo doakion gaia izan dadin zainduz.
Dadoa bota eta fitxak tableroan barna mugituz, lauki bakoitzean bertsolaritzari buruzko galdera bati erantzun beharko diogu. Pantailaz jolasteko prest?
Bertsoei oinak falta zaizkie. Ea puntu bakoitzean oin egokia hautatzen dugun! Jolasa amaitzean audioaz lagunduta abestu genitzake.
Puntua entzungo dugu, fruta baten pista emanez. Ia oroitzen dugun fruta hori zein txartelen azpian dagoen... Bitaminaz betetako memoria eta errima jolasa da!
Kopla bakoitzean emotikono bat deskribatuko zaigu. Ea dagokion aurpegia klikatzen dugun!
Bertso bat entzungo dugu aldiro. Ea asmatzen dugun, elikatzeko moduagatik, zein animalia den.
Bertsolaritzari buruz zenbat ikasi dugun neurtuko dugu oraingoan! Ea gurutzegrama osatzeko gai garen.
Sorta honetan, lore beldurtuak aurre egingo dio bere zapaltzaileari, Txorimaloburuari. Aurre egitera ausartzeko, loreak amorru handia sentitu behar izan du. Izan ere zapaltzen gaituztenean, amorrua sentitzea ezinbestekoa zaigu, besteei mugak jartzeko.
Bi-hiru puntu josteko prest? Has gaitezen kopletan! Horretarako laguntza fitxak ditugu hemen.
Goza dezagun musikarekin eta hitzarekin, rap erritmora! Iturria: Ikaselkar hezkuntza argitaletxea. Kimu Erronka, LHren lehen etaparako sortutako ikasmaterial globalizatua.
Eta zer dio jantokiko azaloreak bere aurrean agertzen dugun jarrerari buruz?
Gorputzeko organo bakoitza non dagoen eta zer eginkizun dituen ikasteko jolasa. Kopla handian, organo bakoitzaren berri emango zaigu eta irudian zein den topatu beharko dugu.
Oin bikoteekin kopletan egingo dugu maitasunari buruz. Goza dezagun gure lore festan!
Mugikorrak eta sare sozialei buruzko bertso sortak eta bat-bateko bertsoaldiak.
Zortziko txikian hutsuneak betetzeko jolasa, hankaluzeak eta hankamotzak sahiestuz.
A-tik Z-ra, galderak botako dizkigu pantailak, bertsolaritzaz. Ea erantzunak asmatzen ditugun, 7 minutu pasa baino lehen!
Oin bikoteekin koplak sortzen ariko gara. Batzuetan, oinak esaldian egoki sartzen laguntzeko, esaldiak erdi eginda ere emango zaizkigu.
"Ikusi nuenean" koplek etengabe errepikatzen dute egitura bera: lehen puntua beti modu batera hasten da ("Ikusi nuenean"), eta bigarren puntua beti molde berean ("iruditu zitzaidan"). Ikasleei puntua, bertso-lerroa eta errima zer den azaltzeko ariketa da hau.
Maitemintzen garenean, barruak nahaspilatzen zaizkigu eta galderak datoz zurrunbiloan… Zenbat irrika eta zalantza!
Koplaz kopla, munduari bira emango diogu! Lehen puntuan leku bat azalduko zaigu, eta guk bigarren puntua osatu beharko dugu, oina hartuta. *Karta jolasekin ere egin dezakegu.
Ezagunak dira Tolosako Inauteriak. Ikus dezagun iruditan eta bertsotan, zer festa izaten den bertan!
Elurrari buruz bat-batean egingo dugu, bertsoetan falta diren tarteak osatuz!
1901. urtean Orion balea harrapatu zuten, arraunean itsasoko erraldoiarengana joanda. Bertso herrikoi hauek jaso dute, ederki, garai hartan nola arrantzatzen zen balea.
Gaztetatik egon zara kuadrilla berean. Oso gustura egon zara beti baina, azken aldian, sentitzen duzu eman behar ez dituzun azalpenak eskatzen dizkizutela.
Nerabea da Xabat. Bere zaletasunengatik "frikia" dela esan izan diote ikaskideek. Gero eta gutxiago inporta zaio besteek diotena.
Nafarroako Bertsolari Txapelketa 2023 finala. Zortziko txikian.
Zentzumenei koplak jarriko dizkiegu. Lehen puntua emango zaigu eta, konparazioa sor dezagun, 3 oin emango zaizkigu aukeran.
"Zirti-zarta zirtoka" sekuentzia didaktikoa, PDFan.
Osa ditzagun esaldi errimatuak, koplak ala bertsoak, bat-batean. Horretarako, azken puntuak emango zaizkigu eta oin zerrendak, aukeran. Pantailatik bat-batean egin genezake ala paperean fitxa betez.
Gurutze Gorriak jostailu bilketa kanpaina egiten du Gabonetan, etxe guztietara Olentzero iritsi dadin. 2023ko kanpaina bertso musikatuekin dator, bideoaz.
Animalia bakoitzari kopla bat botako diogu. Horretarako, azken puntua eta oina emango zaigu. Gure lana, lehen puntua asmatzea izango da.
Puntuari erantzungo diogu, gure berri jakiteko egingo zaizkigun 4 galderari erantzunez. Baina batean gezurra esango dugu: ea lagunek igartzen duten zein den ziria!
Harremanetan elkarri tratu ona ematearen garrantziaz. Zaintza. Parekidetasuna. Elkarbizitza.
Bakoitzak gure alboko laguna zertan den abila azalduko dugu, kopla batean. Horretarako, nahi ditugun oin bikoteak erabili genitzake.
Piropoak, geure buruari! Ispiluaren aurrean bakarrik gaudela, zer esaten diogu gure isladari? Maitasun begiekin ikusten al dugu geure gorputza?
Kopla handian hutsuneak betetzeko jolasa, hankaluzeak eta hankamotzak sahiestuz.
Gaia: Bikote hasiberria zarete. Jatetxe batera joan zarete, erdi ezkutuan, inork ikusi ez zaitzaten. Ezaguna besterik ez dago.
Ikasle, irakasle eta gurasoek, aste arrunt batean izan ohi dituzten xextrak. Bertso sortak eta bat-bateko bertsoaldiak.
Bat-batean ariko gara, Beldur Gauean ditugun asmoei buruz. Kopla txikiak osatuko ditugu, 3 moldetan: puntu erdika, lehen puntua emanda eta azken puntua emanda.
