Erremerrea ni

Bertsolaria(k): Maialen Lujanbio
Doinua: Zizperriko kalean

Geure buruaz ari garela… denok gara ezberdinak eta bakarrak. Bakoitzak gure gorputza daukagu, gure hizketa modua, gure ibilera… Izateko gure modu berezia eta bakarra. Hortaz… zergatik egin barre besteen berezitasunei? Zergatik lotsatu ezberdin egiten gaituenaz?

PDF

Begi-argi, gerri-mehe,
txiki, ertain, handi,
zango-luze, sudur-motz…
erremerrea ni.

Errepikatu ordez
erre bat ‘zuzena’
nire eran esaten
asmatu nuena.

FURRA FURRA
FARRA FARRA
ZUENA ARRUNTA ETA
GUREA BAKARRA.

Erre ‘normalak’ dira
berdinak guziak
erremerreak berriz
denak bereziak.

Batzuek eg*}&e eta
beste batzuk ad|#®a…
…ez zaitezte saiatu
zuentzat zaila da.

FURRA FURRA
FARRA FARRA
ZUENA ARRUNTA ETA
GUREA BAKARRA.

Trumoiaren burrunba
badut eztarrian
tximistak jotzen al du
zure belarrian?!

Akaso izango duzu
belarria txarra…
erre ondo entzuten
ikasi beharra…

FURRA FURRA
FARRA FARRA
ZUENA ARRUNTA ETA
GUREA BAKARRA.

10.

Erre-aren soinuak
halako bi hizkik
zintzurrean kilimak
eragiten dizkit.

11.

Ezetz erre-a nire
modura ebaki
gauzak ‘ondo’ esaten
edozeinek daki!

12.

FURRA FURRA
FARRA FARRA
ZUENA ARRUNTA ETA
GUREA BAKARRA.