|
Bertsoeskola
Lazkao Txikiren bertsorik ezagunenak, ispiluari botatakoak dira. Geroztik makina bat elkarrizketa sortu dira ispilu aurrean... Ikus ditzagun bertsolariak eta egin dezagun guk ere puntuka, ispilu aurrean!
Bertsolariak ikusiko ditugu hitz-jolas bihurrienetan. Gero geuk froga genezake! Bertso jolasetan aritzeko prest? Jar dezagun mundua atzekoz aurrera, oinak buruan ditugula!
Udan sartzera goazela ospatuko dugu ekainaren 23an. Urteko egunik luzeenak eta gaurik motzenak ditugu hauek! Sua hitza emanda Lujanbiok eta Arzallusek botatako bertsoak ezagutzen?
Ekainaren 11 zen, 1967ko Txapelketa. Historiako une esanguratsuenetako bat gertatzera zihoan... Zer gertatu zen jakin nahi?
Historian emakumeek bertsotan egin izan dute beti: hiletetan, plazan, etxean, soroan, fabrikan, jostundegian... Bidean trabak ere izan dira plazandreentzat: debekuak eta "lotsagabe" izatearen fama txarra. Bertsolaritzaren historian emakume askoren izenak, argazkiak eta bertsoak jaso gabe gelditu dira. Ezagutu ditzagun iritsi zaizkigun testigantzak!
Rap zaleak al gara? Zer talde ezagutzen ditugu? Antzekotasunak badituzte rapak eta bertsoak; baita ezberdintasunak ere. Erritmoari segi eta jar dezagun hitza mugimenduan!
"Saltzen, saltzen, txakurtxiki baten karameluak"... Kantu zaharra berritzen zaigu merkealdian. Dena beherapen, dena eskaintza eta ganga, dena merke eta ona. Iragarkiak non-nahi. Aspalditik egiten da publizitatea bertsotan! Ikusi nahi?
Bertsolaritza euskararen bereizgarrietako bat den bezalaxe, hizkuntza askok du kantu inprobisatua egiteko bere molde propioa. Munduan toki askotan egiten da "bertsotan"!
