|
Bertsoeskola
Urtarrilaren 20an ospatzen da San Sebastian eguna. Egun seinalatu horretan sartu zen Bilintxen logelan karlistek jaurtitako granada bat, bertsolari ezaguna hilko zuena. Bilintx nor zen ezagutu nahi?
Zorte txarra omen dakarte 13 zenbakidun astearteek. Baita katu beltzek, eskilarapeek eta ispilu hautsiek ere. Superstiziosoak al gara? Bizitzan noiz izan dugu zorte txar, txar, txarra? Goza dezagun bertsoekin eta kanta dezagun guk ere!
"Saltzen, saltzen, txakurtxiki baten karameluak"... Kantu zaharra berritzen zaigu merkealdian. Dena beherapen, dena eskaintza eta ganga, dena merke eta ona. Iragarkiak non-nahi. Aspalditik egiten da publizitatea bertsotan! Ikusi nahi?
Mara-mara ari du elurra, hainbat herri eta gailurretan. Ukitu al dugu elurrik? Agurtu dezagun bertsotan zerutik behera jausten den izotz koxkorra!
A mailan "Oizpeko pantolluk" taldeak irabazi du eta B mailan "Bizkaiko Kopla Gaztiek" taldeak. Abenduaren 4an Zornotzan izan da finala.
Guztira 36 lan aurkeztu dira, ia 500 gazteren parte hartzearekin. Sari banaketa ekitaldia abenduaren 3an egin da, Amurrioko antzokian.
Bada hamaika gai Eguberrien atzean... Goza dezagun bat-bateko saioekin eta bertso sortekin! Gero, senide eta lagunei bidaltzeko zorion mezuak presta genitzake. Bat-batean ere hasiko al gara bertsotan?
Abenduaren 20an, larunbatez, 17:00etan hasiko da finala, Bilboko Casillan. Bertaratzerik ez badugu, zuzenean ikus genezake ETB1 eta www.bertsoa.eus hedabideetan. Bertsolariak animatzeko koplak jarriko al ditugu?
