|
Bertsoeskola
Apirilaren 23tik 27ra bi egonaldi antolatu dira, 3 egunekoak. Lehen mailako haurrak Baigorrin eta gazteak Urepelen elkartu dira, 9 hezitzailek gidatutako egitarau betean.
Bertso eskoletako haurrek agurra abestu eta bertsolari gazteek eskaini dute bertso saioa. "Haizea dator" ekimenaren azken saioa izan da, bertsolari gazteak plazaratzea xede.
Irurtzunen sei bertsolari izan dira oholtzan. Arantzako Kattin Madariaga izan da txapeldun eta Leitzako Kattalin Lizarraga txapeldunorde. Biak izango dira EHko Eskolarteko finalean.
Apirilaren 4an Azpeitiako Elikagunean elkartu ziren 175 lagun, afariaz gozatu eta finaleko saioa entzuteko. Saio ederra eskaini zuten zortzi bertsolariek. Egiar Otegi eta Suhar Gesalaga sailkatu dira EHko finalera.
Azpeitian Eskolarteko finala ikusi eta Lasturko aterpean bi gau egiteko aukera dute Gipuzkoako 14-20 urteko bertsozaleek. Izen-ematea zabalik dago.
15-18 urteko gazteen bat-bateko bertso txapelketa martxan da: herrialdeetan kanporaketa saioak egiten ari dira eta apirilean zein maiatzean jokatuko dira finalak. Euskal Herriko finala ekainaren 14an izango da, Arantzan.
Apirilaren 22tik 26ra, Espejon bi egonaldi egingo dira, hiru egunekoak, 11 eta 12 urtekoentzat. Ba al zatoz?
Haurren sailean Eki Eizagirrek jaso du sari nagusia eta Itoitz Herrera izan da bigarren. Martxoaren 30ean bertso bazkari batekin ospatuko da sari banaketa.
