Bertsozale.eus | Bertsoa.eus | BDB Bertsozale Elkartea
Bertso Ikasgela logoa

Abiatu da Eskolartekoa!

2019-02-18


Herrialde guztietan idatzizko sariketak izango dira, eta bat-batean 15-18 urteko gazteak ariko dira txapelaren bila. Euskal Herriko finala Saran izango da, ekainaren 8an.

Gazteek bertsotan egiteko plaza

Bertsotan aritzeko lekua eskaintzen zaie Eskolartekoaren bidez gazteei: etorkizuneko bertsolariak eta bertsozaleak trebatzeko plaza da. Harreman sarea egiteko ere topagune ederra!

Bat-bateko txapelketan 15-18 urteko gazteek hartzen dute parte, eta Ikastolen Elkarteak eta Bertsozale Elkarteak antolatzen duten ekimena da.

Idatzizko sariketak ere antolatzen dira ikastetxeentzat.

 

Bertsolariak umetan...

Gaur plazan ezagunak diren bertsolari asko eta asko, umetan eta gaztetxotan, Eskolartekoan aritu ziren.

Ikus dezagun nola egiten zuten bat-batean, txikitan!

 

Bertsolariak: Maialen Lujanbio, Beñat Gaztelurrutia, Oihane Enbeita.

 

Bertsolariak: Jon Maia, Igor Elortza.

 

Iazko Euskal Herriko finaletik, ale eder bi

Saran izan zen, iaz ere, Eskolartekoaren Euskal Herriko finala. Oholtzan, herrialde bakoitzeko txapelduna eta txapeldunordea entzuteko aukera. Hara hemen saio bikain hartako bi bertsoaldi.

 

Gaia: festara irteteko apain-apain jantzi da Oihana Arana. Aldiz, Aner Peritz, betiko arroparekin dator.

 

 

Gaia: etorkina zara. Aspaldi euskaraz ikasi zenuen arren, denak zuzentzen zaizkizu erdaraz.

 

 

Eskolartekoaren egutegia 2019

Gazteak bat-batean entzuteko aukera zabala dugu. Animatuko gara saioren batera? Idatzizko sariketan ere har genezake parte!

 

GIPUZKOA

Bat-bateko kanporaketak, bertso afaritan

Otsailak 15, Ibarra.

Martxoak 1, Zestoa.

Martxoak 15, Orio.

Martxoak 22, Oñati.

Finala: Apirilak 5, Lastur. Bertso-eskoletako gazteekin asteburu pasa eginez, apirilaren 5etik 7ra.

 

NAFARROA

Bat-bateko txapelketa: Apirilak 5, Arantza.

 

ARABA

Bat-bateko txapelketa eta "Bertsoa Bizi Gazte" Eguna: Maiatzak 11, Legutio.

 

BIZKAIA

Kanporaketak

Maiatzak 7, Getxo.

Maiatzak 8, Durango.

Maiatzak 13, Lemoa.

Maiatzak 14. Deustu. ‚Äč

Finala: maiatzak 25, Larrabetzu.

 

LAPURDI, BAXENABARRE ETA ZUBEROA

Bat-bateko txapelketa: Maiatzak 25, Hazparne.

 

EUSKAL HERRIKO FINALA

Ekainak 8, Sara. Herrialde bakoitzeko txapelduna eta txapeldunordea izango dira oholtzan.