-Ama, ni zergatik naiz bi hizkuntza lasai hitz egiteko gai? -Elebidun egin nahi baitzintudan, Unai, munduan ibiltzeko kontent eta alai gaztelaniaz eta euskaraz ere bai... Zuretzako onena baino ez nuen nahi.
2.
-Ama, lar ez ote da bi jakin beharra? Aski da bakarra! -Unai, bihur ezazu hizkuntza txamarra: Saihesteko elurra edo kazkabarra, bakar bat ez ote da aukera kaskarra? Hobe hartzea xira ta forro polarra.
3.
-Ama, ez dut euskaraz egiten tarteka kostatzen zait eta! -Pentsa hizkuntza dela zure bizikleta: Astero eman ezik dozena bat buelta, gero ta urrunago izango du meta, herdoildu egiten baita ganbaran gordeta.
4.
-Guztiok bi hizkuntzak ikasi ezean gu bion antzean? -Biak dakizkigunok geronen etxean ez dugu aukerarik izango hitzean eta hasiko gara erdara hutsean aurrekoaren lehen hitza aditzean.
|
Bertsoeskola
Amari galdezka