Bertsozale.eus | Bertsoa.eus | BDB Bertsozale Elkartea | Bertsoeskola
Bertso Ikasgela logoa
SARTU
  1. Sarrera
  2. Baliabideak
  3. Nola Amets batetik

Bertso sorta Nola Amets batetik

  • Bertsolaria(k): Amets Arzallus
  • Doinua: Ama begira zazu
Bere buruari koplak jartzeko eskatu diogu Amets Arzallusi. Goza dezagun puntutik puntura osatu duen sokaz!
PDF
1.
Nola amets batetik beste bat kantari
koplak jartzen hasi naiz neure buruari.

2.
Koplak jartzen hasi naiz neure buruari
askotan ezagutzen zailena den hari.

3.
Nola amets batetik besterako sokan
haurtzaroak alde egin
zidan bi pausotan.

4.
Haurtzaroak alde egin
zidan bi pausotan
Messiren kamiseta jantzirik azokan.

5.
Nola amets batetik txori bat kantari
bertsotan hasi nintzen entzunez aitari.

6.
Bertsotan hasi nintzen entzunez aitari
ta isiltzen zenean, neronen baitari.

7.
Nola amets batetik keinuka sorginak
nire egun guztiak ez dira berdinak.

8.
Nire egun guztiak ez dira berdinak
isilik daramatzat lotsak eta minak.