Kaixo Olentzero, Etiopian guztia da hauts, bero, ke… ni ongi nago, baina anaiak badauka zerbait, zer ote? Azken aldian irribarreek ihes egiten diote, sabela hazi-hazita dauka, azal hoztu, eztul kolpe... Sendagairen bat baldin bazenu pozik emango nioke.
2.
Kaixo Olentzero, Rio Janeiron fabela bueltan beti gu, hamalau gazte gara, futbola odolean dakarkigu, guk baino behar gehiago duten haurrak daude, badakigu, baina baloi bat sobran bazenu mesede egingo digu, duela hiru urte ekarri zeniguna hautsi zaigu.
3.
Kaixo Olentzero, zer moduz zaude? Tori bi muxu, bi patxo, Bengasin bizi naiz, azkeneko leherketa handia atzo, hamahiru urte dauzkat, badakit, gauzak eskatzeko zahartxo baina ez bada zuretzat kezka ez buruhauste lartxo jakin nahi nuke non ote dauden nire aitatxo eta amatxo.
4.
Kaixo Olentzero, Indian bizi naiz hamaika urteko lora, egun guztia pasa behar dut jostorratza, behera, gora. Hari finena zapatilentzat lodiagoz, alkandora. (Gure arteko sekretua da: ez dut egiten gustora) Bakar-bakarrik eskatzen dizut jolaserako denbora.
5.
Kaixo Olentzero, Euskal Herritik aurten eskari erreza: nahi dut Messiren trajea eta espinilletan babesa, eta baloi bat (hau ez galtzeko egiten dizut promesa), Bob esponja bat, eta wifia eduki ahal baneza. A, eta bueno, gero beste bat baina hori ja sorpresa.
6.
Abenduaren hogeita laua iluntze magiko, bero, kaleak argi gorriz, laranjaz, dotoreak dira gero... Zoriontsu den familia bat, segiko ote du gero? Guztia oso polita baina, Eguberriro, urtero, gutxien behar den etxeetatik pasatzen da Olentzero.
|
Bertsoeskola
Olentzerori