Euskararekin gu elkarrekin!

Nola beste behin, gure txoria
erdi gatibu dagoen
eskerrak gure ahotan beti
habia izango duen

Ohitura, klixe, errazkeriak
beldurrak, minak, kredoak…
hegan ikusi nahi baduzue
zuek zarete hegoak

Ze berezia, hain bereizia
piraten altxor guduan
handiagoa egiten nauen
ezer ez dago munduan

Gure hizkuntza, gure hezkuntza
gure euskara maitea
gure enigma, gure magia
gure superboterea

Ez maitatzea nahiko gaitz bada
egitea da txertoa
gehiago eta gehiagorekin
gehiagotan jartzekoa