Tximua naiz, mendikoa, ia kaiolan itoa, agoantatu dut nahikoa! Beraz, kantatu nahi dut barrutik bizi ta ikusirikoa, ez baita askoz txikiagoa kanpoko zoologikoa. (bis)
2.
Betaurrekoak, bisera, mapa, motxila, kamera… Zer espero duzue ba? Nahiz gizakiok tximua ikusi eta aho-zabal gera, gure arteko diferentzia hainbestekoa ote da? (bis)
3.
Bakoitza bere kulturan, eta dagokion gudan, kontraesanekin mugan, hor zabiltzate askatasuna zeuontzako lortu guran, baina niri inork ez dit galdetu kaiolan bizi nahi dudan. (bis)
4.
Askok barroteetatik eskua sartu izan dit, zer gura duten badakit… Kosk egin eta zera galdetu nahi izan dut kumetatik: “Zuk laztanduko al zenuke inor kakahuete bategatik ?” (bis)
5.
Kobak margotu aurrena, gero asfaltoz bete dena, han fabrikak, hemen trena… Gaur egun hobe estimatuko bazenute ingurumena, harrotasunez zeuen burua maite duzuen laurdena. (bis)
6.
Pertsona tximutik dator, baina zuontzat zorrak zor, kaiolan gara emankor. Historiaren pendulu handiak aldaketa bat digu zor; nork daki noizbait egongo ez garen zuek hemen eta gu hor. (bis)
|
Bertsoeskola
Tximu baten gogoeta