Bazen Lasarten herri bertsolari bat, Joxe Miel, oso elizkoia, "Kristo" esaten ziotena. Baina gaizki-esaka aritu zale ere bazen eta, behin, "Motza"gatik handi xamarrak esan omen zituen. Zeharo muturtu zitzaion "Motza", eta bertso hauek jarri zizkion...
1.
Zer klase aizen merezi ukek zabaldutzia Gazetan, fede otzian sartze'aizelako relijiyoko gauzetan; illian bein konfesatzera eta jaiero mezetan, alare pozik salduko ukek Jainkua iru pezetan.
2.
Eleiz parian txapel'eantzita, errezatzen egunero, iñoren bistan itxur oik einda Jainkua saltzera gero; iru pezetan ezin baukek jatxiko itzake bero, biyian ere gutxi piyatu erostuna izan ezkero.
3.
Ai, Joxe Miel, ez aiz saiatzen ire triparen kaltera, jendian bistan itxur oik einda eliza ua jatera; biyian ezin saldu baukek jatxiko itzake batera, ik Jaungoikua zenbat maite'ken ortik kontubak atera.
4.
Bost milla urtian Judas ari dek itzat kaldera montatzen, gau eta egun irureun gizon ai dituk ikatz botatzen; ik, gizajo orrek, orrelakorik ez dek askorik pentsatzen, a zer berotuk dauzkatzikenak ezpaiz zuzeno portatzen!
5.
Lengo batian ni egon nitzan kaldera orri begira, aireplanuak zazpi orduban ematen ziotek jira; esango'zute aundiya dala arren barrengo kabira, bai biar ere orren pekatu danak sartuko badira.
6.
Ai, Joxe Miel, etzakit nola bizi aizen orren asto, mingañetik pin itzegin arren biyotzetik ago basto; Judas ari dek i erretzeko gauzak prestatzen abasto, Naparrua'ra eskatu zetik berreun bagoikada lasto.
7.
A, Joxe Miel, ik ez dadukak Judasena bildurrika, ez gero pentsa eskapatzerik aien tartetik korrika; Luzifer laste asiko dek karrazi edo kurrinka, Frantziyan ere erosi zetik iru poxpolo-fabrika.
8.
Iñon esanik eztu sinisten onek berialakuan, ez gero pentsa beiratze'uenik gizena edo flakuan; Luzifer ziok burruntziyakin, Judasek berriz kakuan, aidi igasi in diyenikan eztek oraindañokuan.
|
Bertsoeskola
"Kristo"ri, jesusenak esaten