"Tximas" ileordeak

Bertsolaria(k): Iñaki Gurrutxaga
Doinua: Ia gureak egin du

Ileordeen iragarkia, bertsotan. Iragarkien parodia.

PDF

Zu ez zara berezia
normala da gabezia...(bis)
ileen eskasia
nabarmentzen hasia
nola estali nahi jakin?
“TXIMAS” ileordeekin!

Zergatik egon beldurrak?
Onarpena du gezurrak!(bis)
Luzeak ta laburrak
leunak ta kizkurrak
kolore denetakoak
ederrak ta modakoak!

Itzuli zaitezke jada
heavy kontzertuetara! (bis)
Xanpua ere, hara
erabilgarria da!
Ta zure lagun bakarra:
ile-lehorgailu zaharra!

Erraza da eramaten
ia ez da antzematen! (bis)
Has gaitezen esaten
zenbatek daramaten
hara bat, bi eta hiru:
“GURI FUNTZIONATZEN DIGU”