-Batzutan umoretsua beste batzutan apala, zure jarrera aldaketa ez da batere normala! -Bada, azalduko dizut arrazoia berehala, ni ere ziklikoa naiz ilargi ederra bezala.
2.
-Kulero odoleztatuak haserraldiak adina, zu hilekoaz sentitzen al zara sarri zikina? -Hasieran beldur nintzen odola, usaina, mina naizen eran onartzeko egin arte ahalegina.
3.
-Baina iragarkietan lotsa dago ate joka odola urdindua ta egiari erasoka. -Desmitifikatzea da emakumeon erronka nik odol gorria daukat ta erabiltzen dut kopa.
4.
-Sarritan bizi garenez kanpo iritzien menpeko, ze beldur izan zenuen hilekoa onartzeko? -Urteekin ikasi dut autoezagutza tarteko barrenera begiratzen naizena eraikitzeko.
5.
-Nekea, pena, haserrea, edo gogoa galduta, hilekoak ba ote du zure min handien kulpa? -Naturaren kontra ezin dugunez egin burruka gorputzak zer behar duen eskatzen digu oihuka.
6.
-Urtaro ta loreekin egin nahian metafora, beraz hil ta jaiotzen da zure bizitzaren lora. -Nire faseak onartuz orain nago horren gustora, dantzatzen ikasi baitut bizitzaren erritmora!
|
Bertsoeskola
Hilekoa