Bihurtu nahiko banu mundua sarraski suntsituko nituzke zortzitikan zazpi eta hau da aholkatzen dutena zehazki: zaku bat kolpatzea sentitzean gaizki. Hori egin dut baina ez da izan aski.
2.
Egin behar badizu barruak eztanda ez duzu moldatuko txarrena emanda baso bat hautsi edo atea joz danba. Zergatikan ez eman galderari txanda: beregatikan edo neregatikan da?
3.
Nonbait noizbait horrela sentitzen bazara ez, ez zazula pasa tripak jaten gaba. Haserrea azaldu hau pasa zait hara horrek mina eman dit harek egin traba! Ezkutatzen baduzu okerragoa da.
4.
Gorroto, sumin, herra eta amorrazio nahiz eta sentitzea ez dugun desio positibo bihurtuz hau dut soluzio: sumina bilakatu sortzeko pasio amorrua bihurtu zait motibazio.
5.
Eta egun hau badut azkenetan azken? Bizitzak ematen du hainbat irakaspen. Ez da amaitu beharrik ez badugu hasten amorruak pentsatzen ez badizu uzten proba ezazu bertso xorta bat idazten.
|
Bertsoeskola
Amorruaren amorruz