Salcedoko herri inauteria

Porreterok zeukalako
oilo baten apeta,
bat besapean hartu du
ta hor doa lasterka!
Non sartu da, nora joan da
has bedi bilaketa,
erlojuaren dorrean
omen dago gordeta.

Gaur Salcedon piztu da
Arabako far west-a
agur, agur, neguari
egin dezagun festa!

Porretero, lasto-sabel
txoropito, mondongo
ihesi egin ez dezan
heldu besotik ondo!
Berotuko dizkiogu
bizkar ta begiondo,
lotu azkar zuhaitzera
ez da inora joango!

Epailearen zigorra
da eredugarria:
Teilatuko putreentzat
oturuntza berria.
Zuretzako, Porretero,
herra eta irria
zure erruz, zuri esker
bildu baita herria!