Kuartangoko herri inauteriak

Gaua iristean izaki miresgarriak datoz: sorginak, porreroak, hartza, errautsariak... Baita Arrianoko atsoa ere, Kuartango bailarako jakinduria duena.

Makilak eskuetan ditugu
margo beltzez aurpegiak
Agate deunaz mozorrotuta
badatoz inauteriak

Gaua iristen denean
lehenik sorginak datoz
ta ardi larruz porreroak
euren zintzarriak joz

Tartean gizabere bat
mendiko hartza omen
beldurgarriena bera
nahiz gure babesle den

Errautsariak agertu
dira halako baten
gure gaitz guztietatik
purifika gaitzaten

Haurrak ihesi dijoaz
porrero ta hartzetik
gazteak txantxak eginez
datoz gero atzetik

Plazan su beroan bueltan
dantza eta bertsoa
orduan azalduko da
Arrianoko atsoa

Bere inguruan dira
istorio ugari
gaur ardo beroa dakar
guztiontzat opari

Arrianoko atsoak
badu jakinduria
Kuartango bailara baita
mundu eder haundia

Ihauteriak Santa Agedan
iritsi dira kolpetik
gure kondaira biziko dugu
debeku denen gainetik