Kanpezuko herri inauteriak

Kanpezukoak gara eta
hemen gaude oso alaiak
Katxiz jantzita lehen bezala
kontatzeko historiak

Gaitzak ekartzearena
hau da Toribioren sena
urtero epaitu eta oraindik
euskaraz ez dakiena

Ai Toribio Toribio
ze gaiztoa zaren zu
ziria sartu eta
zigortuko zaitugu

Herri honetako gaitzak
bota errekan zehar
eta hurrengo urtean
euskara ikasi behar

Bargotako apaiza
Matakan, Ezpela
Torralbako Joan Lobo
Eta Lentejuela

Txorimaloa Soñanon
Amama Kurruka
Biloriako ikazkina
denak txoratuta

Tabakoaren dama
eta Furtibilla
Pierolako fraileak
Obispoaren bila

Kostalerako akerra
Uribarriko hartza
eta Intako pottoka
neguko azken dantza

Epaileak marmarka
Katxiak dantzari
Egako karramarro
koska egin Toribiori

Desastre guztien erruduna
Toribio maltzurra zara
horrexegatik zubitik behera
joango zara errekara!