Zizarea badator

Zizarea badator
udare barnera
udarea goxoa
egongo ote da?

Zizare-udare
zuri-zuri zaude...
Jan du arin!
Handiak ohi die egin
txikiei min.

Zozoa etorri da
zizare janera
ta orain zizarea
zozoen txikle da.

Zizare-zozoa
ze txikle gozoa!
Zizare-udare
zuri-zuri zaude...
Jan du arin!
Handiak ohi die egin
txikiei min.

Eta orain zozoa
jan egin du hontzak
postrerako nahi ditu
txokolate-ontzak.

Txokolate-ontza
zozo moko-motza
ze txikle gozoa!
Zizare-zozoa
zizare-udare
zuri-zuri zaude...
Jan du arin!
Handiak ohi die egin
txikiei min.

Katuak hontza jan du
miaztuz platera
korroskada bota ta
luma bat atera!

Katua harrituta
hontza larrituta
txokolate-ontza
zozo moko-motza
ze txikle gozoa!
Zizare-zozoa
zizare-udare
zuri-zuri zaude...
Jan du arin!
Handiak ohi die egin
txikiei min.

Otsoa etorri da
katua jatera
otsoak esan dio:
"sar zaitez labera!"

Katu-bizkotxoa
egiten otsoa
katua harrituta
hontza larrituta
txokolate-ontza
zozo moko-motza
ze txikle gozoa!
Zizare-zozoa
zizare-udare
zuri-zuri zaude...
Jan du arin!
Handiak ohi die egin
txikiei min.

Otsoa arranoei
lumak kentzen dabil
arranoek mokoka
baietz kilimaz hil!

Arranoa hegan
azkazalez segan
katu-bizkotxoa
egiten otsoa
katua harrituta
hontza larrituta
txokolate-ontza
zozo moko-motza
ze txikle gozoa!
Zizare-zozoa
zizare-udare
zuri-zuri zaude...
Jan du arin!
Handiak ohi die egin
txikiei min.

Orain otsoak behar du
tirita-bisera
naturaren legea
beti horixe da:

Txikiak handia
udare-sandia
katu-bizkotxoa
saltoka otsoa
katua harrituta
hontza larrituta
txokolate-ontza
zozo moko-motza
zizare-zozoa
ze txikle gozoa!
Zizare-udare
zuri-zuri zaude...
Jan du arin!
Handiak ohi die egin
txikiei min
min, min, min, min
fin, fin, fin, fin.