Bizitza hain da eskuzabala, hain ditu altxor anitzak... Ematen ditu amets ederrak eta leku sinesgaitzak, esperientziak eta pertsonak gure arimen zurkaitzak... Bainan emanen dizun guzia kenduko dizu bizitzak.
2.
Aldatzen dira gure harremanak, joaten dira lagunak eta ez gara bihozgabeak edo ahalguzidunak; dolu ttikiak bizi ditugu sakonak eta ilunak, bakoitzak gure denborarekin gaindituko ditugunak.
3.
Aldatzen dira bizilekuak, hondatzen dira ametsak, eraikitako zimendu batzu jotzen ditu azken beltzak. Aldaketa bat zaila da bainan garapen bide da, behintzat... Heriotzaren hoztasun bera du aldaketarik ezak.
4.
Badira dolu garratzagoak amildegi gaiztoenak zure erabakiz hautatu gabe labanaz heldu direnak har zure ondoan egonarri bat lagunduko dizu senak ta isiltasunak erran ditzala maitasun hitz beroenak.
5.
Oroitzapenen zurrunbiloan gure minari lotzean, doluak ere goxotasuna badu bere bihotzean. Bainan ez ahantz ematen duzun urrats ttiki bakoitzean, bizitza beti aurrean dela eta zilo bat atzean.
6.
Zilo horretan eror zaitezke bainan ez zaitela kezka, zure baitarik ezin baduzu, hasi laguntza galdezka. Doluak dolu eta minak min bizitza beti da festa, sufrimendua maitasunaren miraila bat baizik ez da.
|
Bertsoeskola
Doluak dolu