Emozioak

Bertsolaria(k): Maddi Sarasua Laskarai
Doinua: Iruten ari nuzu

Bost emoziori eskainitako kopla sorta.

Barneari nahi diot
ulertuz erantzun,
horra bost emozio
ezagut nazazun.

Bisaia gorritzen zait,
lotsaz, ezinean
mintzatu behar banaiz
denen aitzinean.

Pentsatu gabe bota
dezaket orrua
zure ekintzak eman
badit amorrua.

Bakarrik banaiz gauez,
hasten naiz kantari,
nork ez dio beldurrik
iluntasunari?

Malko bat sortzen bazait
matel bazterrean,
zure eskua nahi dut
ene bizkarrean.

Zuekin nahiko nuke
momentua goza
partekatuz handitzen
zaidalako poza.