Gurutze Gorriak jostailu bilketa kanpaina egiten du Gabonetan, etxe guztietara Olentzero iritsi dadin. 2023ko kanpaina bertso musikatuekin dator, bideoaz.
1.
Eguberritan umez betetako plazak nork bere poztasunak, nork bere korazak nork bere etxeak ta etxeko solasak... baina denok berdindu gaitzake jolasak.
2.
Jupiter puntaraino igo bizikletan mahai-jokoetan luze jardun berriketan ikusiz zer dagoen kutxa itxietan mundu bat zabaltzen da zure begietan.
3.
Panpinari ipuina kontatzen bi ordu gero medikutara lagundu diogu jostailu bakarrean zenbat bizimodu zure irudimenak erabakiko du.
4.
Zertarako ezpatak ta esku-burdina? Zer dela-ta bi bando: arrosa ala urdina? Dorreak erortzea zaila da, jakina baina ez oinarritik hasiko bagina.
5.
Zure hegazkinean hegan gabiltzala klarionaz margotu dut bion itzala jostailu batek poza dakarren bezala jolasteko denbora ekarri dezala.
6.
Elkartasuna biltzen bada alez ale nornahi izan daiteke jostailu emale zatozte ta bihurtu gure lagun-talde oroitzeko moduko haurtzaroen alde.
|
Bertsoeskola
Oroitzeko moduko haurtzaroen alde