Bertsoa entzun eta ea antzematen dugun zein lanbide den. Iturria: Ikaselkar hezkuntza argitaletxea. Kimu Erronka, LHren lehen etaparako sortutako ikasmaterial globalizatua.
Porturaino iristen denean arraina, Rosak sareei hartu ohi die tamaina. Jostorratzekin oso abila da, baina eskuetan izaten du itsas usaina.
2.
Iker ere aurkeztu nahi nuke jarraian, aritzen da zarata orekatu nahian, gu denok esertzeko gogotsu, alai, han; platerak jartzen ditu jantokiko mahaian.
3.
Iratik ere badu nahikoa meritu, bolantea helduta ezin errenditu. Garraio kontuetan bera da aditu; errepide guztiak ezagutzen ditu.
4.
Naimak ahalik ondoen zaintzen du eszena, bikain atera dadin gero antzezpena. Ulertzeko moduan idazten du dena: aktoreek oholtzan esango dutena.
5.
Jonek prest izaten du ardientzat aska, larre berdeak dira beraientzat bazka. Maitasunez eginak badu arrakasta, gozoena da berak egindako gazta.
6.
Nikok heldu ohi dio gogor erratzari, batzuetan isilik, besteetan kantari, trapua eskuetan ari denez ari, ospitalea dago egunero garbi.
|
Bertsoeskola
Ezetz lanbideak asmatu