Bertsozale.eus | Bertsoa.eus | BDB Bertsozale Elkartea | Bertsoeskola
Bertso Ikasgela logoa

Asteartea 13, kukuak oker jo digu

2020-10-12


Zorte txarra omen dakarte 13 zenbakidun astearteek. Baita katu beltzek, eskilarapeek eta ispilu hautsiek ere. Superstiziosoak al gara? Bizitzan noiz izan dugu zorte txar, txar, txarra? Goza dezagun bertsoekin eta kanta dezagun guk ere!

 

Sineskeriak

Zorte txarra ematen omen duten hamaika sineskeria daude... Bertsotan gogora ditzagun!

 

 

Hegazkina erortzera doa...

Hegazkina omen da istripu gutxien izaten duen garraiobidea; zorte txarra behar du, hegazkinean zoazela, azafatak "erortzeko presta zaitezte" abisua emateko!

Horixe gertatu zaie lau bertsolari hauei. Baina, muturreko egoera horretan, pertsonaia bakoitzak oso modu ezberdinean erreakzionatu du: Alaia Martinek modu histerikoan, Maialen Lujanbiok modu arrazionalean, Maialen Akizuk era guztiz eroikoan eta Andoni Egañak zigarro bat piztu du.

 

 

Jolas dezagun!

 

Baldarrak - oinak asmatzen

Egoera askotan errua ez da zorte txarrarena: gure baldarkeriarena baizik!

Jolas dezagun erorketa tuntunen kopla sorta honekin! Oinak zein diren asmatu beharko dugu.

 

 

 Egin dezagun bertsotan!

 

Etorkizun igarlea eta bezeroa

Zorteak eta patuak zer ekarriko digun jakiteko, batzuk etorkizun igarleengana joaten dira.

Gu izango gara oraingoan igarleak! Bola magikoa eta tarot kartak ditugu aurrean. Bezero bat sartu da gure kontsultara eta honako galdera hauek egin dizkigu. Zirtoz erantzungo diogu, esaldi errimatuekin.

 

 

 

Banu, balego eta balitz...

"Hau egingo banu...", "beste hori balego...", "hala gertatuko balitz...". Zortean pentsatzen jartzen garenean, gerta litezkeen gauzak irudikatzen jartzen gara. Has gaitezen galdera-erantzunetan, koplatan!