|
Bertsoeskola
Zozketa egin ta gero
beti gure erara
ipuina entzun eta
zelako ikara
Sagutxo kaxkarina
goazen egitera
bertsoak egitera
ausartuko gara
Sagutxo kaxkarina
bakarrik bizi zen
kalea garbitzen txanpon
bat aurkitu zuen
dendara sartu gero
lazoak ikusten
lazo berriarekin
poz pozik zegoen
Lazoa ipinita
ezkondu nahi zuen
ta animali guztiei, txikitin parian baina
ai deia egin zien
Ez zitzaion gustatu
lehena zaldia
irrintzi egiten zuen, txikitin parian baina
ai aldi ta aldia
bigarren sartu zena
izan zen txerria
familia ikusita, txikitin parian baina
ai ze zikinkeria
Hirugarrena izan zen
baserriko oilarra
beti kukurrukuka, txikitin parian baina
ai ze zarata txarra
Laugarrena izan zen
betiko astoa
Ez zitzaion gustatu, txikitin parian baina
ai zelako tontoa
Bosgarren joan zena
herriko zezena
beti apurtzen zuen, txikitin parian baina
ai aurrean den dena
Azkena sartu zena
polita katua
saguak ikusita, txikitin parian baina
ai ze maitemindua
Ezkondu eta gero
lotara joan ziren
katua saguari, txikitin parian baina
ai raro begiratzen
Katua ikusi zuen
gaizki begiratzen
komunera joan behar naiz
ta alde egin zuen
panpin bat jarri zuen
katua engainatzen
sagutxo kaxkarina
zoriontsu izan zen
