2020-02-26
Bertsozaleok udan ondo pasa eta Euskal Herriko lagunak egiteko lekua dira.
Bertso Udalekuetara etortzeko ez dago bertsotan jakin beharrik: zalea izatearekin aski dugu.
Egunero jolasak, kirolak, ur bainuak, gaubelak... egiten ditugu, ohiko udalekuetan bezalaxe. Eta baita bertsoekin gozatu ere: bertsolariak etorriko zaizkigu bisitan aterpetxera, saioa eskaintzera. Tarteka, taldean bertso jolasak egingo ditugu, edo buruz dakizkigun bertsoak abestu... Eta nahi duenak, bat-batean ere egin dezake.
Hobeto irudikatzeko, hara hemen 2019ko Uitziko txandaren bideoa!
Eta Bertso Udalekuetako txanda guztien bideoak ikusgai, hemen!
Txanda bakoitzari buruzko informazioa eskuratu, diptikoa deskargatu eta izena emateko aukera hementxe dugu.
-Martxoaren 3tik 16ra, izena emateko aukera eskaini zaie gurasoren bat Bertsozale Elkarteko bazkide dutenei edota bertso-eskolan dabiltzan kideei. Bertsozale Elkarteko bazkide egin nahi duenak, hementxe du informazioa.
-Gainerakoentzat, martxoaren 18tik 30era zabaldu dugu epea eta txandatan libre gelditu diren lekuak daude aukeran. Zuhatzan ez, gainerako 4 txandatan dugu aukera: Zugarramurdi (12-13 urte), Uitzi (13-14 urte), Orio (15-16 urte) eta Sopela (17-18 urte).