Bertsozale.eus | Bertsoa.eus | BDB Bertsozale Elkartea | Bertsoeskola
Bertso Ikasgela logoa

Tipi tapa, tipi tapa...

2022-03-21


Martxoaren 31tik apirilaren 10era Korrika pasako da, herriz herri, Amurriotik Donostiaraino. Noiz sartuko da gure herrian? Has gaitezen gure hankaluzeak eta hankamotzak berotzen...

 

22. EDIZIOAREN BERRI

KORRIKA BADATOR!!!!

Helduen euskalduntze mugimendua da AEK eta berak antolatzen du Euskal Herria, herriz herri, korrika jartzen duen festa handia. Ba al dakigu noiz pasako den gure herritik Korrika, pankarta eta furgonetarekin? Arakatu dezagun bilatzailean.

Korrikaren abestia - HitzEkin

Korrikako edizio bakoitzak bere leloa eta bere kantua izaten du. 22. edizio honen leloa HitzEkin da; kantuari Sustrai Colina bertsolariak jarri dizkio hitzak eta musika Nerea Urbizuk egin du. 

 

UNITATE DIDAKTIKOAK ETA MAHAI JOLASA

Korrikaren webgunean eskuragarri ditugu hainbat baliabide didaktiko, euskaltegietan erabiltzeko sortutakoak. Gure ikasgelari begira zer aukera dauden kuxkuxeatu nahi ezkero, sartu goiko loturan. 

 

SHAKIRA ERE KORRIKA!

Abila da Maddalen Arzallus kantu ezagunak hartu eta hitzak aldatzen. Shakira ere jarri du "aringa-aringa", "waka waka" Korrikako imno bihurtuta...

 

 

BI OINAK HARTU ETA... GOAZEN KORRIKA!

Koplatan ariko gara. Bi oinak emango zaizkigu eta, batzuetan, oina esaldian egoki sartzen laguntzeko, esaldiak erdi eginda ere emango zaizkigu. Berotu hankaluze eta hankamotzak eta... ekin bideari!

 

JOLAS DEZAGUN!

 

Euskarazko esaera zaharrekin egingo dugu jolas. 

Aldiro bertso bat entzungo dugu, egoera bat deskribatuko diguna. Egoera horri zein esaera zahar datorkion parera hautatu beharko dugu.

Guztira zortzi bertso, zortzi esaera zahar, zortzi doinu ikasiko ditugu.

 

 

BERTSO BIDEOTEKAN... HAMAIKA IKUSTEKO!

 

Bertsoaldiekin gozatu eta euskararen inguruko hainbat gairi buruz sakontzen jarrai genezake gelan.

Bideotekan denetik dugu: bertsoaldiak, elkarrizketak, kantu xelebreak, esketxak, bertso sortak...

Goza dezagun! Bideoak ikusi ahala izango dugu gelan zertaz hitz egina. Etxean euskararik ez zuten bertsolarien bizipenak, euskalkien koloreak, gure eguneroko ariguneetan ditugun aukerak eta zailtasunak, kale hizkera ganberroa, kantuak tuneatzearen plazera, hizkuntza jarreren arabera herritarrok osatzen dugun fauna xelebrea... Harritzeko prest?