Gardantxilo bertso paper lehiaketa abian!

Baionako Bernat Etxepare lizeoko bertso eskolako gazteek antolatu dute idatzizko sariketa. Martxoaren 31ra arte dugu lanak aurkezteko epea. Jarriko al dugu sorta bat?

12-18 URTEKOENTZAT ETA GAI LIBREAN

Bertso sorta jartzeko gaia, librea da: nahi dugun gaiaz eta nahi dugun neurrian jar genezake gure sorta.

Aurkeztu beharreko bertso kopurua ezberdina izango da, adinaren arabera. Bi sail ditu lehiaketak:

DBH edo Kolegioko kideek, gutxienez 4 eta gehienez 6 bertso jarri beharko dituzte.
Batxilergoko edo Lizeoko kideek, gutxienez 8 eta gehienez 10 bertsorekin osatu beharko dute sorta.

LANAK NOLA AURKEZTU?

Martxoaren 31ra arte dugu aukera gure sortak bidaltzeko.

Emailez bi dokumentu bidali behar ditugu:

Dokumentu batean: izengoitia eta bertsoak
Beste dokumentuan: izengoitia eta gure datuak (izen-abizenak, emaila eta telefono zenbakia; gurea edo gurasoarena).

Emaila nora bidali: gardantxilo.sariketa@gmail.com

Sari banaketa Xiberoa, Lapurdi eta Baxenabarreko Eskolartekoko edo Gazte Xilabako finalean izango da: ekainaren 7an, Itsasuko Sanoki Gelan.