Berriz ere eskolara!

Udako oporrak bukatu eta berriz ere eskolara... Gustura al gaude ikasturte berriaz? Kanta ditzagun bertso sorta umoretsu hauek, gure egunerokoa goxatzeko. Gure gelako egoerak ere emango digu hamaika gai kantu eta kontuetarako, ezta?

BIDEOTEKA - BERRIZ ERE ESKOLARA!

Eskolan eguneroko martxan hastera goaz, eta badira gai batzuk urtero errepikatzen direnak: goizetan ez dugula ohetik jaiki nahi, irakasleekin gelako tira-birak, gurasoen eskakizunak, zorriak agertu direla...

Bideotekan gai horien inguruko bertsoaldiekin eta sortekin gozatuko dugu!

EGIN DEZAGUN BERTSOTAN, GURE IKASTURTE HASIERARI BURUZ!

Koplak osatuko ditugu, hutsuneetan aukerarik egokiena hautatuz.
Kontuz hankaluzerik eta hankamotzik egin gabe!

*Jolasa pantaila handian ikusteko sakatu hemen.

Ikasleontzat atsedenik ez!

Gogorra da, gero, ikasle bizitza!

Eskolako lanak gaitzat hartuta, esaldi errimatuak asmatzen ariko gara. Horretarako azken puntua eta oinak emango zaizkigu; nahi badugu koplak osatzen ere saia gaitezke, bat-batean.

*Pantaila handian ikusteko sakatu hemen.

Jolasgaraian

Eskolako gauzarik ederrena, jolasgaraia!

*Pantaila handian ikusteko, sakatu hemen.

EGUNEROKOA

Aste arrunt batean zer egin ohi dugu? Eskolatik irtenda, zein zaletasun ditugu?

Lehen puntua jarriko zaigu, segida eman diezaiogun. esaldi errimatuekin. Puntuka ere egin genezake taldean, txanda hartuz!

*Pantaila handian ikusteko, sakatu hemen.