Badator Nafarroako Txapelketako finala!

FINALEKO SAIOA

Oholtzan, 8 bertsolari hauek ariko dira kantuan.

• Julio Soto (Iruñea, 1987). Nafarroako txapelduna izan da 6 aldiz.
• Saioa Alkaiza (Iruñea, 1991). Nafarroako txapelduna izana da.
• Joanes Illarregi (Leitza, 1999). Euskal Herriko Txapelketa Nagusiko finalean kantatu zuen, Nafarroa Arenan.
• Eneko Lazkoz (Etxarri Aranatz, 1983). Nafarroako Txapelketan 4 aldiz izan da txapeldunorde.
• Xabat Illarregi (Leitza, 2001). Laugarren finala du Nafarroako Txapelketan.
• Sarai Robles (Barañain, 1996). Bigarren finala du Nafarroako Txapelketan.
• Ekhiñe Zapiain (Bera, 2002). Lehen aldiz ariko da Nafarroako Txapelketako finalean.
• Eki Mateorena (Leitza, 2005). Lehen aldiz ariko da Nafarroako Txapelketako finalean.

Hemen ikusgai bertsolariek ze ariketa egingo dituzten. Saioaren amaieran, bi bertsolari onenak buruz buru ariko dira, txapela nork eskuratuko. 

ZUZENEAN ETB4 KATEAN eta WWW.BERTSOA.EUS ATARIAN

Nafarroako Txapelketa bi urtez behin izaten da. Finalean milatik gora ikusle elkartuko dira Nafarroa Arenan. Horiez gain, milaka ikuslek jarraituko du finala zuzenean telebista, irrati eta webguneen bidez.

Finaleko sarrerak eskuragarri ditugu www.bertsosarrerak.eus atarian. Bertara joateko aukerarik ez badugu, plan ederra da etxetik ikustea ere. Aukera askoren artean, ETB4 katea piztu genezake saioa ikusteko; edo www.bertsoa.eus webgunean sar gaitezke, edonon gaudela ere, finala ikus-entzuteko.

EZAGUTU DITZAGUN FINALEAN ARIKO DIREN BERTSOLARIAK!

Ikus ditzagun bertsotan Nafarroa Arenako oholtzan ariko diren finalistak. Hemen aurtengo txapelketan egin dituzten bertsoaldi batzuk.

BERTSOLARIEI ANIMOZKO KOPLAK BIDALIKO AL DIZKIEGU?

Zortzi bertsolarien artean, ba al dugu gure bailarako bertsolaririk? Edo bereziki kuttuna dugunik?

Finaleko saioari begira gure animoak bidaliko dizkiogu, kopletan.

Gero nola helarazi ere, pentsatu beharko dugu... Audioz edo bideoz grabatuta bidali geniezaioke; gure eskolara gonbidatu genezake bestela!