|
Bertsoeskola
2024-10-07
Aste arrunt batean egin ohi duguna izango da gure kanturako gaia eta esaldi errimatuak egitetik, pausoa emango dugu kantuan hasi eta puntu bat sortzera.
Hankaluzeak eta hankamotzak zer diren.
Eskolako arauak asmatuko ditugu, zirtoka: gelan jarri genitzake, pasilloan zintzilikatu edo beste gelakoei errezitatu.
Kopletan elkarrizketa lotsagabeak ere sortuko ditugunez, antzeztuko al ditugu esketx bihurtuz?
Astean zehar irakasleekin eta gurasoekin izan ohi ditugun xextrei buruz, bertso sorta umoretsu asko ditugu aukeran. Baita bat-batean plazan abestutakoak ere.
Gaira sartzen lagunduko digute!
Astelehenetik igandera, zein den gure betiko leloa azalduko dugu, zirtoka.
Egun bakoitzari bere esaldi errimatua sortuko diogu.
Gure gelako urrezko zazpi arauak jarriko ditugu, zirtoka.
Baina oraingoan, oina soilik emango zaigu eta geuk sortu beharko dugu esaldi errimatua.
Orain arte esaldi errimatuak sortzen aritu gara.
Pausoa ematera goaz, bertsotan kantuan hastera!
Horretarako, lehenik, puntu bat sortzen ikasiko dugu.
Ahozko zirtoetatik, pasa gaitezen kantura!
Kopletan ariko gara, kantuan errimatzen.
Ama-semeen arteko elkarrizketa lotsagabea osatuko dugu, kopletan. Kopla bakoitzean akatsak daude eta geuk jarriko diogu konponbidea hankaluzeari edo hankamotzari.
Erantzun lotsagabeak sortzen segituko dugu.
Baina, oraingoan, kopla doinua hartu eta puntuari erantzungo diogu. Laguntza gisa oina emango zaigu.
Dinamika hau gelan egiteko karta jolasak ere erabili genitzake.
Jarrai dezagun gure egunerokoaz kantari.
Baina oraingoan, puntuka ariko gara, taldean.
Bertso doinu bat hartuko dugu (8ko txikian). Lehen puntua jarriko zaigu eta, 3 oinak emanda, bertsoari segida emango diogu, puntuka, lagunen artean txandatuz.
